പറയാതെ..

പലപ്പോഴും പറയണമെന്ന് തോന്നിയിട്ടും പറയാതെ പോയൊരു ഇഷ്ടം ഉള്ളിലുണ്ട്. കണ്ണുകളിൽ കൗതുകം നിറച്ച് നിറപുഞ്ചിരിയുമായി എന്നും എനിക്കൊരു അത്ഭുതമായിരുന്നു ലിപി. ലിപി എന്ന പേരിൽ തന്നെയാണ് ആദ്യം മനസുടക്കിയത്. വ്യത്യസ്തമായ പേര്. ആദ്യകാഴ്ചയിൽ തന്നെ മനസ്സിൽ മുഖവും പതിഞ്ഞു. ഐശ്വര്യമുള്ള കുട്ടി, ഒന്നേ കണ്ടിട്ടൊള്ളൂയെങ്കിലും അമ്മയുടെ സർട്ടിഫിക്കറ്റ്.പിന്നാലെ നടക്കാൻ മനസ്സ് വെമ്പിയിട്ടുണ്ടെങ്കിലും സ്വയം തടഞ്ഞു. ഇപ്പോൾ ഒന്നുവില്ലെങ്കിലും കാണുമ്പോൾ സംസാരിക്കുന്നുണ്ടല്ലോ. എങ്ങനെ പ്രതികരിക്കും എന്നറിയാതെ എങ്ങനെ പോയി പറയും എന്റെ ഇഷ്ടം.വെറുതെ സംസാരിക്കുന്നതിനിടയിൽ ചോദിച്ചിട്ടുണ്ട് പലവട്ടം പ്രണയിച്ചിട്ടുണ്ടോയെന്നു. തമാശ പോലെ.ഇല്ലായെന്ന മറുപടി ചില്ലറ ആശ്വാസം ഒന്നുമല്ല തന്നിട്ടുള്ളത്. ഞങ്ങളുടെ സൗഹൃദം വളരുന്നുണ്ടായിരുനെങ്കിൽ പോലും ഒരിക്കലും എന്റെ മനസ്സിൽ അവളോട് ഒരു പ്രണയം ഉണ്ടെന്ന് മാത്രം അവളറിഞ്ഞിരുന്നില്ല. ഞാനോട്ട് പറയാനും ശ്രമിച്ചില്ല.പേടിയായിരുന്നു പറയാൻ. നഷ്ടപ്പെട്ടുപോകുമോയെന്ന പേടി..